மலையக மக்கள் இலங்கையின் பொருளாதார, சமூக அபிவிருத்தியின் முதுகெழும்பாக காணப்படுகின்றனர். இலங்கைக்கு தென் இந்தியாவிலிருந்து இம்மக்கள் தொழிலாளர்களாக கொண்டு வரப்பட்டு 200 வருடங்கள் நிறைவுபெற்றமையை ஞாபகமூட்டும் நிகழ்வுகள் நடைபெற்றுவருகின்றன. இம்மக்களின் வரலாற்றையும், வாழ்வியலையும், சவால்களையும், ஞாபகப்படுத்தும் அதேவேளை, எதிர்வரும் நூற்றாண்டை எவ்வாறு முகங்கொடுக்கவேண்டும், சவால்களை எதிர்கொண்டு மனித உரிமைகளை எவ்வாறு நிலைநிறுத்தவேண்டும் என்ற சவாலை நோக்கி, ஒரு சமூகமாக, சமத்துவ பிரஜைகளாக,  தனித்துவத்துடன் முன்னோக்கி செல்லும் வழிமுறைகள்  பற்றிய மலையக மக்கள் பிரகடனம் 26 ஆகஸ்ட், 2023ஆம் திகதி இலங்கையில் முதன் முதலாக ஆரம்பிக்கப்பட்ட தேயிலை தோட்டமான கண்டி லூல்கந்துர தோட்டத்தில் ஜேம்ஸ் டெயிலர் சிலை முன்பாக வெளியிடப்பட்டது.

இலங்கையில் முதன் முதலாக ஆரம்பிக்கப்பட்ட தேயிலை தோட்டமான, கண்டி மாவட்ட, தெல்தோட்டை, லூல்கந்தூர தோட்டத்தில், தோட்டத்தை உருவாக்கிய ஜேம்ஸ் டெயிலர் வாழ்ந்த அந்த தோட்டத்தில், மலையக தொழிலாளர்கள், முறைசாரா தொழிலாளர்கள் , பெண்கள், இளைஞர்கள், சமூக செயற்பாட்டாளர்கள், சிவில் அமைப்புக்கள், ஆசிரியர்கள்,  பல்வேறு தொழில்சார் நிபுணர்கள் இணைந்து, மனித அபிவிருத்தி தாபனத்தின் ஏற்பாட்டிலும், தொழிலாளர் ஒத்துழைப்பு முன்னனி, பெண்கள் ஒத்துழைப்பு முன்னனி, மலையக மகளிர் கூட்டமைப்பு மற்றும் சிவில் அமைப்புக்களின் உறுப்பினர்கள், புத்திஜீவிகள் மலையக 200 வருட வரலாற்று பிரகடன கூட்டத்தை ஏற்பர்டு செய்தமை குறிப்பிடத்தது.

மலையக சமூகம் அதன் தனித்துவ அடையாளத்தை பேணிக்கொள்வதில், மனித கௌரவத்தை, சமத்துவத்தை, நீதியை, உரிமைகளை, அமைதியை பேணிக் கொள்வதில் வரலாற்று ரீதியான கடமையை கொண்டுள்ளது என்ற யதார்த்ததை கவனத்திற் கொண்டு,

2023 ஓகஸ்ட் 26ஆம் திகதி கண்டி மாவட்ட லூல்கந்தூர தோட்டத்தில் மாபெரும் கூட்டமும் பிரகடனம் வெளியிடும் இடம்பெற்றது.

மேற்படி கூட்ட மற்றும் மலையக கவை, கலாசார நிகழ்வுகள் ஜேம்ஸ் டெயிலர் வாழ்ந்த வீடான தற்போதைய லூல்கந்துர ஆதவன் தமிழ் பாடசாலை வளவில் கிட்டத்தட்ட ஆயிரம் பேர்களின் பங்குபற்றலுடன், இடம்பெற்றமை குறிப்பிடத்தக்கது.